جہلم: ضلع کچہری میں لڑائی جھگڑے کے واقعہ پر جہلم پولیس نے فوری کارروائی کرتے ہوئے ملزمان کو موقع پر گرفتار کر لیا۔
دونوں فریقین کے درمیان معمولی تکرار ہوئی، جس کے بعد پولیس فوراً موقع پر پہنچ گئی اور ملزمان کو حراست میں لے کر قانونی کارروائی کا آغاز کر دیا۔
پولیس نے اس واقعے کی تحقیقات کا آغاز کر دیا ہے اور قانون کی بالادستی کو یقینی بنانے کے لیے اقدامات جاری رکھے ہیں۔
ڈسٹرکٹ پولیس آفیسر جہلم طارق عزیز سندھو نے کہا کہ عدالتوں کی سیکیورٹی پولیس کی اولین ترجیح ہے اور کسی کو قانون ہاتھ میں لینے کی اجازت ہرگز نہیں دی جائے گی۔
انہوں نے مزید کہا کہ شہریوں کی جان و مال کا تحفظ پولیس کی اولین ترجیح ہے اور شہر میں امن و امان کی فضا برقرار رکھنے کے لیے ہر ممکن کوشش کی جائے گی۔
