دینہ: منگلا کینٹ پولیس نے اہم کارروائی کرتے ہوئے اقدام قتل کے مقدمے میں مطلوب ملزم کو گرفتار کر لیا۔
تفصیلات کے مطابق جہلم کی تحصیل دینہ میں تھانہ منگلا کینٹ پولیس نے بروقت کارروائی کرتے ہوئے ملزم امتیاز کو گرفتار کر لیا جو ایک شہری پر قاتلانہ حملے میں ملوث تھا۔ مدعی مقدمہ کے مطابق ملزم نے اسے قتل کرنے کی نیت سے فائرنگ کر کے زخمی کر دیا تھا۔
پولیس کا کہنا ہے کہ ملزم کے خلاف ٹھوس شواہد اکٹھے کر لیے گئے ہیں اور اسے چالان کر کے عدالت میں پیش کیا جائے گا تاکہ قانون کے مطابق قرار واقعی سزا دلوائی جا سکے۔
پولیس حکام نے مزید کہا کہ مجرموں کے خلاف سخت کارروائیاں جاری رکھی جائیں گی تاکہ علاقے میں امن و امان برقرار رہے اور شہری خود کو محفوظ محسوس کریں۔
