عام انتخابات میں ڈسٹرکٹ جیل جہلم کا کوئی اسیر ووٹ کاسٹ نہ کرسکا

جہلم: عام انتخابات میں راولپنڈی ریجن کی 4جیلوں کے 189اسیروں نے پوسٹل بیلٹ کے ذریعے اپنا حق رائے دہی استعمال کیا، ڈسٹرکٹ جیل جہلم کا کوئی اسیر ووٹ کاسٹ نہ کرسکا۔

ذرائع کے مطابق اڈیالہ جیل راولپنڈی کے 19 قیدیوں نے پوسٹل بیلٹ پیپرکے ذریعے اپنے ووٹ کاسٹ کئے جبکہ ڈسٹرکٹ جیل منڈی بہاؤالدین کے 104، ڈسٹرکٹ جیل گجرات سے54 مرد اور 2خواتین قیدیوں اور سب جیل چکوال سے 10 قیدیوں نے ڈاک کے ذریعے ووٹ ڈالے۔

ذرائع کے مطابق راولپنڈی ریجن کی دوجیلوں ڈسٹرکٹ جیل جہلم اور اٹک کا کوئی اسیر ووٹ کاسٹ نہ کرسکا۔

ذرائع کے مطابق راولپنڈی ریجن کی 6جیلوں میں پابندسلاسل 424 اسیروں نےپوسٹل بیلٹ پیپر فراہم کرنے کے لئے درخواستیں دی تھیں ان میں ڈسٹرکٹ جیل جہلم کے 36، سنٹرل جیل راولپنڈی کے 152 ،ڈسٹرکٹ جیل اٹک کے 24،ڈسٹرکٹ جیل گجرات کے 3خواتین قیدیوں سمیت 60 ، ڈسٹرکٹ جیل منڈی بہاؤالدین کے 142اور سب جیل چکوال کے 10اسیران شامل تھے۔

جیل ذرائع کا کہنا ہےکہ قواعد کے مطابق سربمہر لفافوں میں پوسٹل بیلٹ متعلقہ ریٹرننگ افسروں کو بھجوائے گئے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button