دینہ ریلوے اسٹیشن کے قریب مال گاڑی پٹری سے اتر گئی، جس کے باعث ٹرینوں کی آمدورفت مکمل طور پر معطل ہو گئی ہے۔ کئی گھنٹوں بعد ریلوے ٹریفک کو بحال کر دیا گیا.
تفصیلات کے مطابق جہلم کی تحصیل دینہ کے ریلوے اسٹیشن کے قریب راولپنڈی سے لالہ موسیٰ جانے والی مال گاڑی کی تین بوگیاں پٹری سے اتر گئیں، جس کے باعث کئی گھنٹوں تک ٹرینوں کی آمد و رفت معطل رہی اور مفتیاں ریلوے پھاٹک بند ہو گیا۔ حادثے کی وجہ سے دور دراز علاقوں سے آنے والے شہری اور گاڑیاں پھنس کر رہ گئیں۔
واقعہ صبح 4 بجے پیش آیا، جب مال گاڑی کی بوگیاں اچانک پٹری سے اتر گئیں۔ ریلوے حکام نے فوری کارروائی کرتے ہوئے ٹریک کی بحالی کا عمل شروع کیا، جس کے بعد کئی گھنٹوں کی محنت سے ٹریک کو دوبارہ بحال کر دیا گیا۔ خوش قسمتی سے حادثے میں کوئی جانی نقصان نہیں ہوا۔
ریلوے انتظامیہ کے مطابق حادثے کی وجوہات معلوم کرنے کے لیے تحقیقات کا آغاز کر دیا گیا ہے۔
اسی دوران اسسٹنٹ کمشنر دینہ، سعدیہ حسین ڈوگر، نے جائے حادثہ کا دورہ کیا اور انتظامات کا جائزہ لیا۔ حکام نے یقین دہانی کرائی ہے کہ آئندہ ایسے حادثات کی روک تھام کے لیے مؤثر اقدامات کیے جائیں گے۔
@jhelumupdates دینہ میں مال گاڑی پٹری سے اتر گئی، ٹرینوں کی آمدورفت مکمل طور پر معطل #Dina #railway #jhelum #TrainAccident #jhelumupdates #pakistan #railwaystation #pakistan #pakistaninews #PakistanNews #pakistanrailway #train ♬ original sound – Jhelum Updates
