پنڈدادنخان میں قبرستان آمد پر ریڈ کارپٹ بچھانے کا معاملہ، نگران وزیراعلیٰ پنجاب محسن نقوی کا ردِعمل آ گیا۔
نگران وزیراعلیٰ محسن نقوی نے کہا کہ اشرف مارتھ شہید کے لیے سلامی کی تقریب پر کسی کو تکلیف ہو تو اس کا علاج اللہ ہی کر سکتے ہیں، شہیدوں کے ہر قبرستان اور راستوں کو پھولوں سے بھر دیا جائے تو بھی ان کا قرض ادا نہیں کیا جا سکتا۔
نگران وزیراعلیٰ محسن نقوی کا اپنے سسرالی گاؤں پنڈدادنخان کے علاقے سگھر پور کا دورہ
مزید جانیئے-: https://t.co/5kAw6U0T4I pic.twitter.com/X4P5mcFTUE
— Jhelum Updates (@JhelumUpdates) November 2, 2023
یاد رہے کہ جمعرات کے روز وزیر اعلیٰ پنجاب محسن نقوی منڈی بہاؤالدین کے دورہ کے بعد جہلم کی تحصیل پنڈدادنخان کے علاقہ سگھر پور آئے جہاں ان کے سسر ایس ایس پی اشرف مارتھ مدفون ہیں، وزیر اعلیٰ نے شہید کے ایصال ثواب کے لئے فاتحہ خوانی کی جبکہ پولیس کے چاک وچوبند دستے نے اشرف مارتھ کی قبر پر سلامی دی۔
اس موقع پر وزیر اعلیٰ پنجاب نے کہا کہ شہید اشرف مارتھ پولیس سروسز آف پاکستان کے پہلے پولیس افسر تھے جو دہشت گردوں کی ٹارگٹ کلنگ سے شہید ہوئے۔
