جہلم: سیکرٹری جنگلات،جنگلی حیات و ماہی پروری پنجاب مدثر وحید ملک کی خصوصی ہدایت پر محکمہ کا ضلع جہلم سمیت صوبہ بھر میں جنگلی جانوروں و پرندوں کے غیر قانونی شکاریوں کیخلاف فیلڈ آپریشن جاری ہے۔
جہلم سے تیتر کے غیر قانونی شکار میں مشغول 2 شکاری گرفتار کر کے محکمانہ معاوضہ کی مد میں جرمانہ عائد ، بندوق بحق سرکار ضبط کرلی گئی۔
ترجمان کے مطابق اسسٹنٹ ڈائریکٹر وائلڈ لائف ضلع جہلم سید عثمان الحسن نے اپنی ٹیم کے ہمراہ موضع آڈھا سے رات کے وقت تیتر کے غیر قانونی شکار میں مشغول 2 افراد کو گرفتار کرکے 20 ہزار روپے جرمانہ کیا اور بندوق بحق سرکار ضبط کر لی۔
