پنڈدادنخان کے لاری اڈے اور دیگر مقامات پر نامعلوم افراد کی جانب سے دکانوں اور مسجد کے تالوں میں ایلفی ڈالنے کے واقعات سامنے آئے ہیں، جس سے شہریوں اور دکانداروں میں شدید تشویش پائی جا رہی ہے۔
تفصیلات کے مطابق جہلم کی تحصیل پنڈدادنخان میں نامعلوم افراد نے رات کے وقت مختلف دکانوں اور مسجد کے تالوں میں ایلفی ڈال دی، جس کے باعث فجر کے وقت نمازیوں کو شدید مشکلات کا سامنا کرنا پڑا۔
دکانداروں کا کہنا ہے کہ گزشتہ ایک ہفتے میں چار مرتبہ ان کی دکانوں کے تالوں میں ایلفی ڈالنے کے واقعات پیش آ چکے ہیں، جس سے وہ عدم تحفظ کا شکار ہو چکے ہیں اور کسی بھی وقت چوری کا خدشہ لاحق ہے۔
متاثرہ دکانداروں اور شہریوں نے پنڈدادنخان انتظامیہ اور متعلقہ پولیس حکام سے مطالبہ کیا ہے کہ ان واقعات کا نوٹس لے کر ملوث ملزمان کو جلد از جلد گرفتار کیا جائے اور ان کے خلاف سخت قانونی کارروائی عمل میں لائی جائے تاکہ مستقبل میں اس قسم کے واقعات کی روک تھام ہو سکے۔
