نیوکاسل: سنی جمعیت عوام نیو کاسل کے زیر اہتمام عاشقان مصطفی صلی اللہ و علیہ وسلم نے میلاالنبی ﷺ کے سلسلےمیں امیر سنی جمعیت عوام برطانیہ پیر سید محمد عرفان شاہ مشہدی موسوی سجادہ نشین آستانہ عالیہ بھکی شریف کی قیادت میں عظیم الشان تاریخی جلوس نکالا۔
جلوس میں سیکڑوں عاشقان مصطفیٰ شریک ہوئے۔ ویسٹ سپورٹ سینٹر سے شروع ہونے والا جلوس مقامی پولیس اور رضاکاروں کی سیکورٹی میں اپنی روایتی راستوں پر انتہائی پر امن انداز میں آمد مصطفیٰ مرحبا مرحبا اورنبی صلی اللہ و علیہ وسلم کی نعتیں پڑھتے ہوئے الرضا ایجوکیشنل سینٹر پہنچ کر اختتام پذیر ہوا۔
جلوس کے اختتام پر پیر سید محمد عرفان شاہ مشہدی نے امت مسلمہ بالخصوص کشمیر کے لیے خصوصی دعا کی۔ اس موقع ہر الرضا سینٹر میں میلاد مصطفیٰ کانفرس کا انعقاد کیا گیا۔
حجۃ الاسلام پیر سید محمد عرفان شاہ مشہدی موسوی نے اپنے صدارتی خطاب میں کہا کہ آقائے دوجہاں صلی اللہ علیہ وآلہ وسلم تمام مخلوقات سے نہ صرف افضل و برتر ہیں بلکہ وجہ تخلیق کائنات بھی آپ صلی اللہ علیہ وآلہ وسلم ہیں۔ کائنات کو وجود میں لانے کا واسطہ بھی آپ صلی اللہ علیہ وآلہ وسلم ذات کی وجہ سے ہوا ۔امت مسلمہ کیلئے نبی کریمﷺ کی ذات گرامی بہترین نمونہ ہے۔ آپؐ کی اتباع کرنے اور آپؐ کے وسیلہ جلیلہ سے ہی مسلمان اللہ تعالیٰ کو راضی کرسکتے ہیں۔
انہوں نے کہا کہ آج دنیا میں امن و اتحاد کی ضرورت ہے برطانیہ میں میلاد کے جلوس و کانفرنسوں میں جہاں دوسری قوموں کو پیغمبر اسلام کے امن اور محبت کے پیغام کو عام کیا جاتا ہے وہاں نوجوان نسل میں حضور کی محبت اور اسوۂ حسنہ پر عمل پیرا ہونے کا درس دیا جاتا ہے۔
جلوس اور کانفرس سے پیر سید ازکیٰ جلال الدین، علامہ محمد فرح عرفانی ، علامہ ساجد علی شامی ،سید احسن رضا عرفانی اور دیگر نے خطابات جبکہ قاری خالدعثمان علوی ،ظفر عرفانی، محمد حسین ظفر، عبدالرزاق، حافظ محمد بشیر، محمد افضل، امجد حسین، حاجی عبدالوحید، محمد محسن خان، عباس حسین، خلیفہ فیصل آیاز عرفانی، کونسلر جاوید اقبال اور دیگر مقامی نعت خوانوں نےگلہائے عقیدت کے نذرانے پیش کئے۔
تقریب میں سید ضمیر شاہ، سید توقیر شاہ عرفانی، پیر منیر عرفانی، عثمان لودھی عرفانی، جمیل عرفانی، ریاض عرفانی، سلیم عرفانی، معین اختر عرفانی، شاہد عرفانی کے علاوہ کثیر تعداد میں عاشقان رسول نے شرکت کی۔
