سوہاوہ میں سات سالہ بچے کے ساتھ نازیبہ حرکات کرنے والے درندہ صفت ملزم کو قلیل وقت میں گرفتار کر لیا گیا۔
تفصیلات کے مطابق جہلم کی تحصیل سوہاوہ میں تھانہ سوہاوہ پولیس نے کارروائی کرتے ہوئے ملزم اسماعیل کو گرفتار کر لیا۔ ملزم نے 7 سالہ بچے کو اپنے ڈیرے پر لے جا کر نازیبہ حرکات کیں اور زیادتی کا نشانہ بنانے کی کوشش کی تھی۔
پولیس کا کہنا ہے کہ ملزم قبل ازیں اسی نوعیت کے مقدمہ میں سابقہ ریکارڈ یافتہ ہے، ملزم کو ٹھوس شواہد کے ساتھ چالان عدالت کیا جائے گا اور قرار واقعی سزا دلوائی جائے گی۔
اس حوالے سے ڈسٹرکٹ پولیس آفیسر جہلم ناصر محمود باجوہ کا کہنا ہے کہ عورتوں اور بچوں کے ساتھ زیادتی جیسے مقدمات میں زیرو ٹالرنس پالیسی پر عمل پیرا ہیں۔
