جہلم: تھانہ کالاگجراں پولیس نے منشیات فروشوں اور شراب سپلائرز کے خلاف دو اہم کارروائیاں کرتے ہوئے دو ملزمان کو گرفتار کر لیا۔
تفصیلات کے مطابق جہلم میں ایس ایچ او تھانہ کالا گجراں اور ان کی ٹیم نے کارروائی کرتے ہوئے ملزم محمد ادریس کو گرفتار کیا، جس کے قبضے سے 1 کلو 420 گرام چرس برآمد کر لی گئی۔ ایک اور کارروائی میں شراب سپلائر ملزم محمد سجاد کو گرفتار کیا گیا، جس کے قبضے سے 10 لیٹر شراب برآمد ہوئی۔
دونوں ملزمان کے خلاف تھانہ کالا گجراں میں الگ الگ مقدمات درج کر لیے گئے ہیں۔
ڈسٹرکٹ پولیس آفیسر جہلم نے کہا کہ منشیات فروش اور شراب سپلائرز معاشرے کا ناسور ہیں اور ان کے خلاف بھرپور کریک ڈاؤن جاری رہے گا۔
