پنڈدادنخان: عام انتخابات کیلئے حلقہ این اے 61 سے مزید 9 اور حلقہ پی پی 26 سے مزید 12 امیدوار میدان میں اتر گئے۔
تفصیلات کے مطابق حلقہ این اے 61 میں تیسرے دن 9 امیدواروں نے کاغذات نامزدگی فارم جمع کرائے جن میں سابق وفاقی چوہدری فواد حسین، چوہدری ندیم خادم گجر، راجہ قاسم علی خان، چوہدری فیصل فرید ایڈووکیٹ، پیر حمزہ کرمانی، مرزا محمود بیگ جہلمی، برگیڈیئر (ر) مشتاق للِہ، فیض احمد فیض اور فواد چوہدری کی اہلیہ حبا فواد چوہدری شامل ہیں۔
حلقہ این اے 61 سے اب تک 18 درخواستیں جمع ہو چکی ہیں۔ حلقہ این اے 61 کی انتخابی تاریخ میں پہلی دفعہ اتنی بڑی تعداد میں درخواستیں جمع ہوئی ہیں، 23 اور 24 دسمبر کو مزید اہم امیدواروں کی طرف سے درخواستیں جمع ہو سکتی ہیں۔
ادھر کاغذات نامزدگی فارم جمع کرانے کے تیسرے دن حلقہ پی پی 26 سے مزید 12 امیدواروں نے کاغذات نامزدگی جمع کرائے جن میں حبا فواد، فیصل فرید ایڈووکیٹ، مشتاق احمد للِہ، فیض احمد فیض، چوہدری نذر حسین گوندل، شعیب رسول کھوکھر، ملک عبید کھیوڑہ، محمد وارث اعوان، رضوان احمد، نیر سہیل مہدی، محمد آصف اور زاہد حسین شامل ہیں۔
