پاکستان میں اسکولوں اور دیہات کی مدد کیلئے فنڈریزنگ گالا ڈنر

گریٹر مانچسٹر/ بولٹن: شمال مغربی پاکستان میں اسکولوں اور دیہات کی مدد کیلئے اباسین فاؤنڈشن کے زیر اہتمام منعقدہ گالاڈنر میں حیران کن طور پر ایک بڑا فنڈاکٹھا کیا گیا۔

اباسین فاؤنڈیشن نے چیرٹی کے منصوبوں اور کامیابیوں کو بانٹنے کیلئے گلاس مارکی، اسٹینلے ہاؤس ہوٹل بلیک برن میں تقریب کی میزبانی کی۔ مقررین میں لنکاشائر کے ایچ ایم لارڈ لیفٹیننٹ، امانڈا پارکر جے پی، لارڈ واجد خان اور پروفیسر سینٹ جان کرین شامل تھے۔

اباسین فاؤنڈیشن یوکے کی چیف ایگزیکٹو ہیلن بنگلے نے کہا کہ اباسین فاونڈشن کے بارے میں ہم کیا کیا کہنا چاہتے تھے مگر عملےنے جس خوبصورتی کے ساتھ مہمانوں کی خاطر تواضع کی ہے وہ میرے لیے حیرت انگیز ہے۔ تقریب میں تقریبا تین سو افراد شریک ہوئے جنہوں نے دل کھول کر فنڈ جمع کیا۔ جس پر انہوں نے شرکاء سے تشکر کا اظہار کیا۔

تقریب کے شرکاء سے خطاب کرتے ہوئے، لنکاشائر کے ایچ ایم لارڈ لیفٹیننٹ، امینڈا پارکر جے پی نے کہا کہ ہم لنکاشائر اور یو کے میں ہم اپنے تعلیم کے بنیادی ڈھانچے کو بہت قریب سے جانتے اورسمجھتے ہیں جب کہ پاکستان کے ان دور دراز دیہاتوں اور دیہی علاقوں میں ایسا نہیں ہے۔ ہمیں اس بارے میں سمجھنے کی ضرورت ہے اور جہاں تک بچیوں اور خواتین کی تعلیمی سرگرمیاں کا تعلق ہے وہ میرے دل کے بہت قریب ہیں۔

انہوں نے کہا کہ میں اپنے خاندان میں یونیورسٹی جانے والا پہلا شخص تھا اور یونیورسٹی میں میرے دوستوں نے جانے سے تقریباً حوصلہ شکنی کی تھی جس کی میں نے پروا نہ کرتے ہوئے اپنا تعلیمی سفر جاری رکھا، اسی طرح پاکستان میں نوجوان بچیوں کی صلاحیتوں کو پورا کرنے اور انہیں قابل بنانے کیلئے فنڈز اکٹھا کرنا میرے لیے ایک اعزاز کی بات ہے اور میں اس کیلئے آپ کا بہت شکریہ ادا کرتا ہوں۔

لارڈ واجد خان نے کہامیرے خیال میں یہاں ہر ایک کیلئے اس پروجیکٹ کو پہچاننا اور اس سے جڑنا انتہائی ضروری ہے۔

انہوں نے پروگرام میں شامل ہو کر خوشی کا اظہار کرتے ہوئے کہا کہ اباسین فاؤنڈیشن کے حامی اور مداح کے طور پر میں یہ کہنا چاہتا ہوں کہ یہ ان بہترین منصوبوں میں سے ایک ہے جس کا میں نے مشاہدہ کیا ہے۔ "آپ جو بھی کام کرتے ہیں اور جتنے بھی عطیات دیتے ہیں ان کا شکریہ۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button