جہلم: روڈ سیفٹی ایکسپرٹ اور معروف سماجی شخصیت ملک محمد صادق آف یو کے کی جانب سے جہلم شہر کو خوبصورت، سرسبز اور آلودگی سے پاک بنانے کے لیے عملی اقدامات کا سلسلہ جاری ہے۔
اس سلسلے میں انہوں نے تھانہ سول لائنز کے باہر شجرکاری مہم کے تحت پودے لگوائے، جہاں ایس ایچ او عمران نے ان کے اس مثبت اقدام اور ماحول دوست جذبے کو سراہتے ہوئے شکریہ ادا کیا۔
اس موقع پر ملک محمد صادق کا کہنا تھا کہ وہ اس سے قبل کچہری کے احاطے میں بھی شجرکاری کر چکے ہیں اور مستقبل میں بھی شہر کی خوبصورتی اور ماحولیاتی بہتری کے لیے اپنی کاوشیں جاری رکھیں گے۔
انہوں نے اس عزم کا اعادہ کیا کہ جہلم کو ایک ماڈل، خوبصورت اور ماحول دوست شہر بنانے کے لیے ہر ممکن کردار ادا کیا جائے گا تاکہ آنے والی نسلوں کو صاف اور سرسبز ماحول فراہم کیا جا سکے۔
