جہلم: عام انتخابات میں ناخوشگوار واقعات سے نمٹنے کے لیےضلع جہلم سمیت پنجاب بھر میں پاک فوج کے دستے تعینات کردیے گئے۔
محکمہ داخلہ پنجاب کے مطابق انتخابات کے پرامن انعقاد کے لیے ضلع جہلم میں فوج تعینات کر دی گئی ہے.
محکمہ داخلہ کا کہنا ہے کہ امن و امان کی صورتحال کو یقینی بنانا اولین ترجیح ہے، انتخابی انتظامات کی نگرانی کی جا رہی ہے۔
فوجی دستوں کی تعیناتی کا مقصد عام انتخابات کے دوران سول حکومت کی معاونت کرتے ہوئے انتخابی عمل کی شفافیت اور امن و امان کی صورتحال کو یقینی بنانا ہے۔
فوجی اہلکار پولنگ اسٹیشنز کے باہر سکیورٹی ڈیوٹی کے لیے تھرڈ ٹیئر پر سیکورٹی کے لئے تعینات ہوں گے تاکہ کسی بھی ناگہانی صورتحال سے بروقت نمٹا جائے۔
پولنگ کے دوران پولیس فرسٹ ٹیئر جبکہ سول آرمڈ فورسز سیکنڈ ٹیئر سیکورٹی مُہیا کریں گی۔
