سوہاوہ: تھانہ سوہاوہ پولیس کی بڑی کارروائی، جالو چور گینگ کے دو ارکان سمیت موٹر سائیکل چور گرفتار کر لیا۔
تفصیلات کے مطابق تھانہ سوہاوہ پولیس نے جرائم پیشہ عناصر کے خلاف کریک ڈاؤن کرتے ہوئے چوروں کے ایک منظم گروہ "جالو گینگ” کے دو اہم ملزمان کو گرفتار کر لیا جبکہ موٹر سائیکل چوری کے مقدمہ میں ملوث ایک اور ملزم بھی دھر لیا گیا۔
ایس ایچ او تھانہ سوہاوہ اور ان کی ٹیم نے کامیاب کارروائی کے دوران جالو چور گینگ کے دو ارکان افضال عرف جالو اور ارسلان کو گرفتار کر لیا۔ گرفتار ملزمان کے قبضے سے 30 ہزار روپے نقدی، ایک موٹر سائیکل، دو عدد قیمتی کوئلز (مالیتی تقریباً 2 لاکھ روپے)، اور 30 بور پسٹل معہ ایمونیشن برآمد کر لیا گیا۔
اسی کارروائی کے دوران پولیس نے موٹر سائیکل چوری کے مقدمہ میں ملوث ملزم اسد کو بھی گرفتار کیا، جس سے چوری شدہ موٹر سائیکل برآمد کی گئی۔
پولیس کے مطابق تمام ملزمان کے خلاف تھانہ سوہاوہ میں الگ الگ مقدمات درج کر لیے گئے ہیں۔ پولیس ترجمان کا کہنا ہے کہ ملزمان کو ٹھوس شواہد کے ساتھ عدالت میں پیش کیا جائے گا تاکہ انہیں قانون کے مطابق سخت سزا دلوائی جا سکے۔
ضلع جہلم اور اس کی تمام تحصیلوں میں موٹر سائیکل چوری کی وارداتیں دن بدن بڑھتی جا رہی ہیں یہ بات لمحہ فکرئہ ھے۔ قانون نافذ کرنے والے اداروں اور پولیس کو ان چوروں ڈاکؤؤں کو جیلوں میں ڈالنا ہوگا