دینہ پولیس نے ڈکیتی کی واداتوں میں ملوث اشتہاری مجرم گرفتار کر لیا، اشتہاری مجرم نے 2سال قبل شہریوں کو موبائلز اور موٹرسائیکلز سے محروم کر دیا تھا۔
تفصیلات کے مطابق ایس ایچ او تھانہ دینہ احسان عباس شاہ نے اپنی ٹیم کے ہمراہ کارروائی کرتے ہوئے ڈکیتی کی 3وارداتوں میں ملوث اشتہاری مجرم کو گرفتار کر لیا۔
اشتہاری مجرم ریاض علی 2سال قبل 3مختلف وارداتوں میں شہریوں سے موبائلز اور موٹرسائیکلز چھین کر فرار ہو گیا تھا ، جس کا کچھ پتہ نہ چل سکا اور گزشتہ روز دینہ پولیس نے گرفتار کر لیا ، گرفتار اشتہاری مجرم سے مزید تفتیش جاری ہے۔
ڈی پی او جہلم کا کہنا ہے کہ شہریوں کے اثاثوں کی حفاظت کے لیے تمام ضروری اقدامات اٹھائے جائیں گے ۔
