پڑی درویزہ: تحصیل سوہاوہ صدر مقام سے جنوب مغرب کی جانب واقع پہاڑی سلسلہ نیلی میں آج جنگلات کا ایک قیمتی حصہ آگ کی نذر ہو گیا ۔
یہ آگ پہاڑ کے دوسری جانب حیال کی نچلی طرف سے شروع ہو کر نیلی پہاڑ کے چوٹیوں پر علاقہ پیل تک شام کو پہنچ گئی، شام کے وقت آگ کے شعلے بلند پہاڑ پر واضح دکھائی دے رہے تھے، علاقہ بھر کے عوام نے اس آگ کا مشاہدہ کیا ۔
عینی شاہدین کا کہنا ہے کہ پہاڑ کا کم از کم 10سے15کلو میٹر تک کا علاقہ اس آگ کی زد میں آگیا ہے اور قیمتی جنگلی درخت آگ کی زد میں آکر خاکستر ہو گئے ہیں ۔
عوامی سماجی حلقوں کے مطابق پہلے بھی فارسٹ گارڈز ، محکمہ جنگلات کی انتظامیہ کی ملی بھگت سے قیمتی جنگل کی لکڑی کی بے دریغ کٹائی کا سلسلہ جاری ہے ۔ پہاڑ کے تحفظ کے لئے قائم شدہ محکمہ جنگلات کی طرف سے پہاڑ اور جنگلات کی حفاظت کے لئے کوئی قابل قدر اقدام دکھائی نہیں دیتا۔
عوامی سماجی حلقوں کے مطابق پہاڑ کی چوٹیوں پر پہنچنے والی آگ دن کے وقت شروع ہوئی لیکن جنگلات انتظامیہ کی طرف سے کوئی خاطر خواہ کارروائی سامنے نہیں آئی۔
عوامی سماجی حلقوں کی طرف سے اطلاع ملی ہے کہ نیلی پہاڑ پر لگی آگ کی غیر جانبدار تحقیقات کی جائے اور ذمہ داران کے خلاف واقعی انضباطی کا روائی کا بندو بست کیا جائے ۔
انہوں نے مطالبہ کیا گیا ہے کہ نیلی پہاڑ کے علاقہ حیال سے پیل تک پھلینے والی آگ پر کنٹرول نہ کرنے کی وجہ سے لاکھوں کا قیمتی جنگل تباہ ہو گیا ہے ۔ اس لئے سیکرٹری جنگلات پنجاب اور سائل کنرزویٹو راولپنڈی کی طرف سے محکمہ جنگلات سوہاوہ کے ذمہ داران کے متعلق قانونی کارروائی از حد لازمی ہے ۔
