جہلم: ضلعی انتظامیہ جہلم کے تعاون سے پنجاب فوڈ اتھارٹی جہلم کے زیر اہتمام ورلڈ فوڈ ڈے کے موقع پر آگاہی سیمینار کا انعقاد کیا گیا۔
سیمینار میں پانی کی اہمیت، فوڈ سیکیورٹی، فوڈ کوالٹی، فوڈ سیفٹی، پانی کی اہمیت اور حفظان صحت کے بارے میں آگاہی فراہم کی گئی۔
سیمینار میں روزمرہ زندگی میں پانی کے سیفٹی ایشوز، آلودہ پانی سے پیدا ہونے والی بیماریوں پر تفصیلی بحث کی گئی، اس کے علاوہ پنجاب فوڈ اتھارٹی کی کارگردگی اور قومی تعمیر میں فوڈ اتھارٹی کے کردار پر تفصیلی بریفنگ دی گئی۔
سیمینار کے اختتام پر شرکاء میں آگاہی پمفلٹ تقسیم کیے گئے تاکہ انہیں فوڈ سیفٹی کے حوالے سے معلومات فراہم کی جاسکیں۔
شرکاء نے ورلڈ فوڈ ڈے پر اس طرح کے معلوماتی سیشن کے انعقاد پر پنجاب فوڈ اتھارٹی جہلم کی کاوش کو سراہا۔
