دینہ کے علاقہ ساگری کے تالاب میں ڈوب کر جاں بحق ہونے والے تین کم عمر لڑکوں کی ڈوبنے سے پہلے کی ویڈیو سامنے آ گئی۔
تفصیلات کے مطابق جہلم کی تحصیل دینہ میں ساگری کے تالاب میں ڈوب کر جاں بحق ہونے والے تینوں بچوں کی تالاب میں ڈوبنے سے پہلے کی ویڈیو سامنے آ گئی۔
ویڈیو میں دیکھا جا سکتا ہے کہ مقامی شخص تینوں بچوں کو تالاب میں نہانے سے منع کر رہاہے اور سزا کے طور پر بچوں کے کان بھی پکڑوائے۔ تینوں کم عمر لڑکے مقامی شخص کو چکما دے کر دوبارہ تالاب میں نہانے چلے گئے۔
یاد رہے کہ جہلم کی تحصیل دینہ میں ایک دن قبل لاپتہ ہونے والے 11 سالہ محمد عبداللہ ولد سجاد حسین سکنہ چھنی گجراں، 13 سالہ شاہ زیب احمد ولد اشتیاق احمد سکنہ مدوکالس اور 14 سالہ آفاق احمد ولد اشفاق احمد سکنہ کھاریاں گجرات کی لاشیں آج نواحی علاقہ ساگری کے تالاب سے برآمد کر لی گئیں ہیں۔
