جہلم: ایس ایچ او تھانہ سٹی کی زیر نگرانی انچارج چوکی کینٹ اور ٹیم کی اہم کارروائی کرتے ہوئے شراب سپلائر ملزمان گرفتار کر کے شراب کی بڑی کھیپ برآمد کر لی۔
تفصیلات کے مطابق تھانہ سٹی پولیس نے کارروائی کرتے ہوئے کار میں سوار چار شراب سپلائر ملزمان ساغر، دلاور، ماہم اور اریبہ کو گرفتار کر لیا، ملزمان کے قبضہ سے کار ، 60 عدد بیئر ٹین پیک اور 6 عدد بوتلیں شراب برآمد کر لی گئی۔
پولیس کا کہنا ہے کہ ملزمان کے خلاف تھانہ سٹی میں مقدمہ درج کر لیا ہے، ملزمان کو ٹھوس شواہد کے ساتھ چالان عدالت کیا جائے گا۔
ڈسٹرکٹ پولیس آفیسر جہلم ناصر محمود باجوہ نے کہا کہ منشیات فروش معاشرے کا ناسور ہیں جن کے خلاف بھر پور کریک ڈاؤن جاری ہے۔
