جہلم شہر اور گرد و نواح میں منی پٹرول پمپس، غیر قانونی تیل ایجنسیاں اور ایل پی جی گیس ری فلنگ کا دھندہ عروج پر، حفاظتی اقدامات نہ ہونے کے باعث کسی بھی وقت کوئی بڑا حادثہ رونما ہو سکتا ہے۔
تفصیلات کے مطابق شہر سمیت چاروں تحصیلوں میں جگہ جگہ منی پٹرول ایجنسیوں ، غیر قانونی تیل اور ایل پی جی گیس ری فلنگ کا دھندہ عروج پر ہے۔ جہاں پر کوئی حفاظتی اقدامات نہیں ہیں جس کی وجہ سے کسی بھی وقت کوئی بڑا حادثہ رونما ہو سکتا ہے۔
مسافر گاڑیوں میں بھی غیر قانونی گیس سلنڈر نصب ہیں جس کی وجہ سے کسی بھی وقت گاڑیوں میں سوار افراد جان کی بازیاں ہار سکتے ہیں۔ غیر قانونی تیل ایجنسیوں اور منی پٹرول پمپوں کا پیما نہ بھی کم ہے۔ مذکورہ خود ساختہ پٹرول پمپس کے مالکان عوام کو دونوں ہاتھوں سے لوٹنے میں مصروف ہیں جبکہ محکمہ سول ڈیفنس کا عملہ خاموش تماشائی کا کردار ادا کررہا ہے۔
شہریوں نے ایڈوائزر صوبائی محتسب پنجاب جہلم سے نوٹس لینے کا مطالبہ کیاہے۔
