وفاقی وزیر داخلہ محسن نقوی نے نادرا ہیڈ کوارٹر کا دورہ کیا اور مختلف شعبوں کا جائزہ لیا اور ایک اہم اجلاس کی صدارت کی۔
وزیر داخلہ محسن نقوی نے عوام کی سہولت کے لیے ڈیتھ سرٹیفکیٹ کی فیس ختم کرنے کا اعلان کیا، انھوں نے کہا عوامی سہولت کے لیے ڈیتھ سرٹیفکیٹ کی فیس ختم کی جا رہی ہے۔
وزیر داخلہ محسن نقوی نے نادرا ہیڈکوارٹر کے لان میں شجر کاری مہم کے تحت پودا بھی لگایا، اور چیئرمین نادرا محمد منیر افسر کی کارکردگی کو سراہا، انھوں نے کہا کہ نادرا پاکستان کی پہچان ہے، محمد منیر افسر نے محنت سے فرائض انجام دے کر نادرا کو فرینڈلی ادارہ بنایا۔
وزیر داخلہ نے غیر مؤثر اور زائد المیعاد شناختی کارڈز پر موبائل سمز کو بند کرنے کا بھی حکم دیا، محسن نقوی نے کہا غیر مؤثر اور زائد المیعاد شناختی کارڈز پر جاری سمز کارڈز کو جلد بند کیا جائے، انھوں نے پنجاب میں ماڈل تھانوں کی طرز پر ملک بھر میں نادرا آفس بنانے کی بھی ہدایت کی۔
