جہلم کے سرکاری سکولوں میں ہیڈ ماسٹرز کی خالی آسامیوں پر بھرتیوں پر غور

جہلم سمیت پنجاب بھر کے سرکاری سکولوں میں ہیڈ ماسٹرز کی خالی آسامیوں پر بھرتیوں پر غور،بھرتیوں میں ہیڈ ماسٹرز، سبجیکٹ سپیشلسٹ اور سینئر سبجیکٹ سپشلسٹ کی آسامیاں شامل ہیں۔

تفصیلات کے مطابق جہلم سمیت پنجاب بھر کے سرکاری سکولوں میں ہیڈ ماسٹرز کی خالی آسامیوں پر بھرتیوں کے لئے غور کیا جا رہا ہے۔

محکمہ تعلیم کے ذرائع کے مطابق جہلم سمیت پنجاب بھر کے سرکاری سکولوں میں 2 ہزار 226 بھرتیاں کی جانے پر غور کیا جا رہا ہے۔ بھرتیوں میں ہیڈ ماسٹرز ، سبجیکٹ سپیشلسٹ اور اور سینئر سبجیکٹ سپشلسٹ کی آسامیاں شامل ہیں۔ سکولوں میں مذکورہ بھرتیاں گریڈ 17 اور گریڈ 18 میں کی جائیں گی، بھرتیاں سکولوں میں موجود خالی آسامیوں پر کی جائیں گی۔

محکمہ تعلیم کے ذرائع کا مزید کہنا ہے کہ 527 ہیڈ ماسٹر، 1107 سبجیکٹ سپیشلسٹ بھرتی کیے جائیں گے اور 592 سینئر سبجیکٹ سپشلسٹ بھرتی کیے جائیں گے۔ مذکورہ بھرتیاں اگلے چند ہفتوں میں پنجاب پبلک سروس کمیشن کے ذریعے کی جائیں گی، بھرتیوں کے لئے سروس رولز 2014 ء میں ترمیم کا عمل جاری ہے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button