موٹر سائیکل والوں کو سستا پیٹرول دینے کے معاملے پر سینیٹ فنانس کمیٹی نے وزیر پیٹرولیم سےبریفنگ طلب کرلی ہے۔
تفصیلات کے مطابق سینیٹ فنانس کمیٹی کے اجلاس میں پیٹرولیم ڈویلپمنٹ لیوی 60 سے 80 روپے فی لیٹر کرنے پر دوسرے دن بھی بحث جاری رہی۔
چیئرمین سینٹ فنانس کمیٹی نے کہا موٹر سائیکل والوں کے لیے پیٹرول کا مختلف ریٹ ہونا چاہیے،گاڑیاں چلانے والے مہنگا پیٹرول برداشت کر سکتے ہیں۔
وزارت پیٹرولیم کے حکام نے کہا پیٹرول کی 50 فیصد کھپت موٹر سائیکل میں استعمال ہوتی ہے، گاڑیوں اور موٹر سائیکل کو مختلف ریٹ پر پیٹرول دینا ممکن نہیں ،ایک سال پہلے موٹرسائیکل والوں کو سبسڈی دینے پر کام ہوا تھا مگر پیش رفت نہ ہو سکی۔
اس موقع پر چیئرمین کمیٹی نے کہا کہ انڈونیشیا کی حکومت موٹرسائیکل والوں کو کم ریٹ پر پیٹرول مہیا کر رہی ہے،انڈونیشیا کی حکومت موٹرسائیکل والوں کو کم ریٹ پر پیٹرول دے سکتی ہے تو پاکستان کیوں نہیں؟
اللہ کرے ایسا نہ ہو بائیک والے تو پہلے ہی سڑکون پر بغیر شیشےبغیر ہیلمٹ پوری سڑک پر پانچ سات سواریان لاد کر جہان دل کرے چلتے ہین کوئ قانون انکو ٹھیک نہین کرسکا اب سستا پیٹرول دے کر بچی کھچی سڑکون کو بھی بند کروادین پہلے ان بائیک والون کو کسی قانون کے تابع لائین ایک فکس لین مین چلنے پر مجبور کرین اور پھر انکو وہ سن سہولتین ضرور دین جو مہذب دنیا مین دی جساتی ہین
آپ کا جواب آپ کی اعلٰی ظرفی کی نشان دہی کر رہا ہے۔ اسی اعلٰی ظرفی سے کام لیتے ہوئے یہ بھی فرما دیں کہ کیا گاڑیوں والے قوانین کی پابندی کرتے ہیں؟ لگتا ہے کہ آپ کو یہ درد صرف بائیک والوں کا نام سن کر اٹھا ہے۔