سوہاوہ: ڈپٹی کمشنر جہلم میر رضا اوزگن کی خصوصی ہدایات پر اسسٹنٹ کمشنر سوہاوہ غزالہ اصغر نے گوجر خان تا سوہاوہ چلنے والی الیکٹرک بس سروس کا دورہ کیا اور سروس کے مجموعی انتظامات کا تفصیلی جائزہ لیا۔
دورے کے دوران اسسٹنٹ کمشنر نے بس میں سفر کرنے والے مسافروں سے براہِ راست گفتگو کی، ان کے مسائل سنے اور سروس کے حوالے سے ان کی آراء حاصل کیں تاکہ سہولیات کو مزید بہتر بنایا جا سکے۔
اس موقع پر انہوں نے الیکٹرک بس میں فراہم کی جانے والی سہولیات، سروس کے معیار اور آپریشنل انتظامات کے حوالے سے متعلقہ حکام سے تفصیلی بریفنگ بھی لی۔
اسسٹنٹ کمشنر غزالہ اصغر نے ہدایت کی کہ مسافروں کو محفوظ، آرام دہ اور معیاری سفری سہولیات کی فراہمی ہر صورت یقینی بنائی جائے اور سروس کے معیار کو برقرار رکھنے کے لیے مؤثر اقدامات تسلسل کے ساتھ جاری رکھے جائیں۔
