جہلم: گڈز فارورڈ نگ ایسوسی ایشن کے رہنماؤں نے وزیر اعلیٰ پنجاب مریم نواز شریف سے مطالبہ کیا ہے کہ وہ محکمہ معدنیات پنجاب کے زیر انتظام جہلم سمیت راولپنڈی ڈویژن میں ایکسا ئزڈیوٹی اور رائلٹی کے نام پر ہونے والی بندر بانٹ کافی الفورنوٹس لیں۔
انہوں نے کہا کہ پرائیویٹ ٹھیکیداری کمپنیاں سرکاری افسران کے ساتھ مل کر محکمہ معدنیات پنجاب میں مختلف ٹیکسسز کے نام پر جو وصولیاں کر رہے ہیں وہ سراسر غیر قانونی عمل ہے، محکمہ معدنیات کو با اثر شخصیات کی بدولت کروڑوں روپے کا نقصان پہنچایا جا رہا ہے ، اس سلسلے میں متعلقہ ذمہ داران خاص مصلحتوں کے تحت خاموش تماشائی کا کردار ادا کررہے ہیں۔
ایسوسی ایشن کے عہدیداران نے مزید کہا کہ وزیر اعلیٰ پنجاب مداخلت سے محکمہ معدنیات پنجاب کی چھتری تلے حکومت کو کروڑوں روپے کے دیئے جانے والے بھاری نقصا ن کو روکا جائے ۔ ضلع جہلم ،اٹک ، چکوال اور راولپنڈی میں جو کھیل کھیلا جا رہا ہے، اس کا راستہ روکنے کے لئے قانون کے مطابق محکمہ معدنیات پنجاب ایکسائز ڈیوٹی اور رائلٹی کے ٹھیکوں کو اوپن نیلام کرے۔
