کھیوڑہ: ڈپٹی کمشنر جہلم سمیع اللہ فاروق نے کھیوڑہ میں نگہبان رمضان پیکج پوائنٹ کا دورہ کیا، راشن پیکنگ کے انتظامات کے ساتھ ساتھ آٹے کے تھیلے و دیگر اشیاء کا وزن چیک کیا۔
تفصیلات کے مطابق ڈپٹی کمشنر جہلم کیپٹن (ر) سمیع اللہ فاروق نے کھیوڑہ میں نگہبان رمضان پیکج پوائنٹ کا دورہ کیا۔ اس موقع پر اسسٹنٹ کمشنر پنڈدادنخان اسامہ شہرون نیازی نگہبان رمضان پیکج پیکنگ پوائنٹ کے انچارج ملک عدیل ڈپٹی ڈی ای او ایجوکیشن، حاجی محمد سلیمان اسسٹنٹ چیف آفیسر میونسپل کمیٹی کھیوڑہ نے ویلکم کیا۔
اس موقع پر اسامہ شہرون نیازی اسسٹنٹ کمشنر پنڈدادنخان نے ڈپٹی کمشنر جہلم کو مکمل بریفیگ دی اور وزٹ کروایا۔ وزٹ کے دوران ڈپٹی کمشنر جہلم نے پیک شدہ اشیاء کا وزن چیک کیا اور انتظامات کو بھرپور سراہا اور کہا کہ جلد از جلد رمضان پیک مستحق لوگوں تک پہنچائیں۔
