کوپن ہیگن: ایک تحقیق میں بتایا گیا ہے کہ آلہ سماعت کا استعمال ڈیمینشیا کی ابتداء اور بیماری میں اضافے کو مؤخر کر سکتا ہے۔
ڈینمارک سے تعلق رکھنے والے محققین نے جنوری 2003 سے دسمبر 2017 کے درمیان 50 برس اور زیادہ کی عمر کے 5 لاکھ 73 ہزار 88 افراد کا معائنہ کیا۔
محققین کا کہنا تھا کہ تحقیق میں قوتِ سماعت کے کمزور ہوجانا ڈیمینشیا کے ایک عامل کے طور پر سامنے آیا۔مطالعے میں ٹیم کو معلوم ہوا کہ سماعت کے کمزور ہوجانے کا تعلق ڈیمینشیا میں مبتلا ہونے کے خطرات میں 7 فی صد اضافے سے تھا۔
تاہم، وہ افراد جن کی سماعت کمزور تھی اور وہ آلہ سماعت استعمال نہیں کرتے تھے ان کے اس دماغی بیماری میں مبتلا ہونے کے خطرات 20 فی صد زیادہ تھے جبکہ وہ افراد جو آلہ سماعت پہنتے تھے ان میں بیماری کے امکانات 6 فی صد تھے۔
محققین کا کہنا تھا کہ اگرچہ ان نتائج کی مطبی مطابقت ابھی بھی مبہم ہے لیکن تحقیق کے نتائج بتاتے ہیں کہ سماعت کے کمزور ہونے کا علاج آلہ سماعت سے کیا جانا ڈیمینشیا کے خطرات میں کمی سے تعلق رکھتا ہے۔
