جہلم: جہلم پریس کلب کی ذیلی تنظیم ڈیجیٹل میڈیاکی باڑی تحلیل کر دی گئی۔
تحلیل کرنے کا باضابط نوٹیفکیشن چیرمین ڈیجیٹل میڈیا انیس الرحمٰن بٹ نے صدر جہلم پریس کلب مہر محمد الیاس کے ساتھ مشاورت کے بعد جاری کردیا۔
ڈیجیٹل میڈیا کے بانی چیئر مین انیس الرحمٰن بٹ اور صدر جہلم پریس کلب مہرمحمد الیاس نے ڈیجیٹل میڈیا کے حوالے سے خصوصی گفتگو کرتے ہوئے بتایا کہ ڈیجیٹل میڈیا سال 2025 کے انتخابات کیے لیے کاغذات نامزدگی 26دسمبر کو وصول کیے جائیں گے اور ووٹرلسٹ مورخہ 26دسمبر کواویزاں کی جائے گی۔
انہوں نے بتایا کہ27اور 28دسمبر کو اعتراضات داخل کروائے جاسکیں گے۔ 28دسمبر سہ پہر 2بجے کے بعد امیدواروں کی حتمی لسٹ جاری کردی جائے گی۔ اس طرح 4جنوری 2025کو ڈیجیٹل میڈیا کے لیے عہدیداران کا چناؤ بذریعہ ووٹ کیاجائے گا۔
انہوں نے کہا کہ ڈیجیٹل میڈیا کے انتخابات میں حصہ لینے کے لیے امیدوار کو پورے پینل کے ساتھ الیکشن کمشنر کےپاس کاغذات جمع کروانے ہونگے، امیدواروں کی تائید صرف ڈیجیٹل میڈیا کے رجسٹرڈ ووٹرزہی کرسکیں گے، مقررہ تاریخ اور وقت کے بعد الیکشن کمیشن کافیصلہ حتمی ہوگا۔
انہوں نے مزید بتایا کہ الیکشن کمشنرکے فیصلے کو کسی پلیٹ فارم یامعزز عدالت میں چیلنج نہیں کیا جاسکے گا، خلاف ورزی کرنے والے ووٹرز کی بنیادی رکنیت ختم کردی جائے گی۔
