جہلم: ڈپٹی کمشنر جہلم کیپٹن (ر) سمیع اللہ فاروق اور ڈی پی او جہلم ناصر محمود باجوہ کی میڈیا نمائندگان کے ساتھ جنرل الیکشن 2024ء کے حوالے ڈی سی آفس میں میٹنگ کا انعقاد کیا گیا۔
ڈپٹی کمشنر جہلم اور ڈی پی او جہلم نے جنرل الیکشن کے حوالے سے کیے گئے انتظامات کے حوالے سے آگاہ کیا۔
انہوں نے بتایا کہ ضلع بھر میں 766پولنگ اسٹیشنز پر 3 ہزار سے زائد پولیس افسران سمیت دیگر اداروں کے اہلکار الیکشن ڈیوٹی کے فرائض سر انجام دیں گے، کسی کو قانون ہاتھ میں لینے کی اجازت نہیں دی جائے گی۔
ڈپٹی کمشنر جہلم کیپٹن (ر) سمیع اللہ فاروق اور ڈی پی او جہلم ناصر محمود باجوہ نے کہا کہ ضابطہ اخلاق کی خلاف ورزی کسی صورت برداشت نہیں کی جائے گی، قانون کی بالادستی کو قائم رکھا جائے گا اور قانون شکن عناصر سے سختی سے نمٹا جائے گا۔
