جہلم: نگران وزیراعلیٰ پنجاب محسن نقوی نے کم عمر ڈرائیورز کے خلاف ضلع جہلم سمیت پنجاب بھر میں کریک ڈاؤن کے احکامات جاری کر دیئے۔
نگران وزیراعلیٰ پنجاب محسن نقوی نے آئی جی پنجاب سمیت تمام آرپی اوز، ڈی پی اوز کو ہدایات جاری کی ہیں کہ بغیر لائسنس اور کم عمر موٹرسائیکل اور گاڑیاں چلانے والوں کے خلاف سخت ایکشن لیا جائے۔
نگران وزیراعلیٰ پنجاب کا کہنا تھا کہ کم عمر ڈرائیورز کی گاڑیاں اور موٹرسائیکلیں تھانوں میں بند کی جائیں، یہ اپنی زندگیوں کو خطرات میں ڈالنے کے ساتھ ساتھ دوسروں کی جانیں بھی گنوانے کا سبب بنتے ہیں جن لوگوں کے نام پر موٹر سائیکلیں ، رکشے ، گاڑیاں رجسٹرڈ ہوں ان کے خلاف بھی فوجداری مقدمات درج کئے جائیں تاکہ حادثات میں کمی واقع ہو سکے۔
