ایڈنبرا: ایک نئی تحقیق میں معلوم ہوا ہے کہ سورج کی روشنی کے صحت کے فوائد جلد کے کینسر کے خطرات سے کہیں زیادہ ہوسکتے ہیں۔
یونیورسٹی آف ایڈنبرا کے سائنس دانوں نے دریافت کیا ہے کہ الٹرا وائلٹ (یو وی) تابکاری کی زیادہ مقدار کینسر اور قلبی امراض بشمول ہارٹ اٹیک اور فالج کی وجہ سے ہونے والی اموات میں کمی کا سبب بنتی ہے۔
محققین کا خیال ہے کہ صحت عامہ کی ہدایات کو خطرات اور فوائد دونوں کے مطابق ڈھالنے سے اسکاٹ لینڈ جیسے سورج کی کم روشنی والے ممالک میں متوقع عمر کو بہتر بنانے میں مدد مل سکتی ہے۔
ان کا کہنا تھا کہ یو وی ایکسپوزر کے فوائد کم سورج کی روشنی والے ممالک میں خطرات سے کہیں زیادہ ہوسکتے ہیں۔ البتہ، وہ لوگوں پر زور دیتے ہیں کہ وہ دھوپ اور جلد کے کینسر کی روک تھام کے لئے حفاظتی اقدامات جاری رکھیں۔
رپورٹ پر تبصرہ کرنے والے ماہرین نے کہا کہ اسباب سے بچنا ضروری ہے، اور نوٹ کیا کہ دیگر عوامل نتائج میں کردار ادا کرسکتے ہیں۔
سائنس دانوں نے برطانیہ کے بائیو بینک کے اعداد و شمار کا استعمال کرتے ہوئے سفید فام یورپی پس منظر سے تعلق رکھنے والے 395،000 افراد کے یو وی ایکسپوزر کا جائزہ لیا۔ تاہم مبصرین کی جانب سے ‘حدود’ بڑھا دی گئیں کیونکہ تحقیق میں شامل ہوتے وقت شرکاء کی عمریں 37 سے 73 سال کے درمیان تھیں۔
رپورٹ کے مطابق مثال کے طور پر انگلینڈ کے دشوار گزار جنوب مغربی سرے پر واقع کورنوال جیسے زیادہ یو وی لیول والی جگہوں پر رہنے کا تعلق دل کی بیماریوں اور کینسر سے موت کے 19 فیصد اور 12 فیصد بالترتیب کم خطرات سے پایا گیا۔
