دینہ: جہلم کی تحصیل دینہ کے گاؤں مدوکالس میں ایک روحانی اور عقیدت سے بھرپور محفل سیف الملوک کا انعقاد کیا گیا، جس میں نامور نوجوان صوفی سنگر وسیم عباس آف مدوکالس نے اپنی خوبصورت آواز کا جادو جگا کر محفل کو چار چاند لگا دیے۔
یہ محفل محمد وقاص، محمد راشد اینڈ برادران کی زیر نگرانی منعقد کی گئی، جس میں اہلِ علاقہ سمیت دور دراز سے عقیدت مندوں نے بڑی تعداد میں شرکت کی۔ صوفیانہ کلام اور سیف الملوک کی روح پرور ادائیگی نے حاضرین کے دلوں کو موہ لیا اور محفل میں ایک وجدانی کیفیت پیدا کر دی۔
یاد رہے کہ وسیم عباس کے والد محترم محمد ریاض بھی اس فن میں ایک معتبر نام رکھتے ہیں، اور ان کے خاندان کی موسیقی اور صوفیانہ کلام کے فروغ میں گراں قدر خدمات رہی ہیں۔ اس تقریب کے اختتام پر وسیم عباس نے چوہدری گل زمان (پنجاب پولیس) کا خصوصی شکریہ ادا کیا، جنہوں نے اس بابرکت محفل کے انعقاد میں اہم کردار ادا کیا۔
یہ محفل نہ صرف ایک روحانی تجربہ ثابت ہوئی بلکہ اس نے دینہ کے ثقافتی ورثے کو بھی مزید اجاگر کیا۔
