جہلم پولیس نے جرائم پیشہ عناصر کے خلاف کامیاب کارروائی کرتے ہوئے موٹر سائیکل چوری کی وارداتوں میں ملوث کمیلا گینگ کے دو اہم ملزمان کو گرفتار کر لیا۔ ملزمان کے قبضہ سے 2 عدد چوری شدہ موٹر سائیکلیں برآمد کر لی گئیں۔
تفصیلات کے مطابق ڈسٹرکٹ پولیس آفیسر (ڈی پی او) جہلم طارق عزیز سندھو کی خصوصی ہدایت پر ایس ایچ او تھانہ سٹی اور ان کی ٹیم نے کارروائی کرتے ہوئے کمیلا گینگ کے دو کارندوں کو گرفتار کیا جو ضلع بھر میں موٹر سائیکل چوری کی متعدد وارداتوں میں ملوث تھے۔
پولیس کے مطابق گرفتار شدہ ملزمان سے ابتدائی تفتیش کے دوران انکشاف ہوا ہے کہ وہ ایک منظم گروہ کے تحت مختلف علاقوں سے موٹر سائیکلیں چوری کرتے رہے ہیں، جنہیں بعد ازاں مختلف جگہوں پر فروخت کیا جاتا تھا۔ پولیس نے ان کے قبضہ سے دو چوری شدہ موٹر سائیکلیں بھی برآمد کر لی ہیں۔
پولیس ترجمان کا کہنا ہے کہ ملزمان کے خلاف ٹھوس شواہد اکٹھے کر لیے گئے ہیں اور انہیں جلد ہی عدالت میں پیش کر کے سخت سزا دلوانے کی کوشش کی جائے گی۔
