دینہ: تھانہ منگلا کینٹ پولیس نے منشیات کے خلاف مؤثر کارروائی کرتے ہوئے ایک اہم کامیابی حاصل کر لی۔ پولیس نے کارروائی کے دوران منشیات فروش ملزم ارشد علی کو گرفتار کر لیا۔
تفصیلات کے مطابق جہلم کی تحصیل دینہ میں ایس ایچ او تھانہ منگلا کینٹ کی سربراہی میں پولیس ٹیم نے ملزم کو گرفتار کر کے اس کے قبضے سے 1 کلو 200 گرام ہیروئن برآمد کر لی۔
پولیس نے ملزم کے خلاف منشیات ایکٹ کے تحت مقدمہ درج کر کے مزید تفتیش کا آغاز کر دیا ہے۔
پولیس حکام کا کہنا ہے کہ منشیات فروشوں کے خلاف بلاامتیاز کارروائیاں جاری رہیں گی تاکہ علاقے کو منشیات کی لعنت سے پاک کیا جا سکے۔
