سوہاوہ: جماعت اسلامی شمالی پنجاب کے ڈپٹی سیکرٹری محمد عثمان آکاش کی سوہاوہ کے نوجوانوں کے ساتھ بیٹھک، سورۃ الفاتحہ کے حوالے سےمکمل درس دیا، نوجوانوں کے ساتھ ساتھ بزرگوں نے بھی شرکت کی۔
تفصیلات کے مطابق سوہاوہ کے علاقہ ریلوے اسٹیشن کے مقام پر پرُفضا دھوپ میں جماعت اسلامی سوہاوہ کے زیراہتمام سورۃ الفاتحہ کا مکمل درس دینے کیلئے پروگرام کاانعقاد کیاگیا جس میں محمدعثمان آکاش ڈپٹی سیکرٹری جماعت اسلامی پنجاب شمالی نے خصوصی شرکت کرکے درس دیا۔
اس موقع پر جماعت اسلامی یوتھ کےنوجوانوں کے ساتھ ساتھ ذمہ داران وکارکنان اور بزرگوں نے بھی شرکت کرکے درس سورۃ الفاتحہ کوسنا۔
محمدعثمان آکاش نےکہاکہ سورۃ الفاتحہ کے درس سے دلوں کوسکون ملتا ہے، معاشرے میں ہماری زندگی کا مقصد حیات بھرپور مذاکرہ ہے۔
اس موقع پر سید ضیاء اللہ شاہ بخاری نائب امیر جماعت اسلامی ضلع جہلم و امیدوار حلقہ این اے 60 بھی موجود تھے۔متعدد نوجوانوں نے جماعت اسلامی یوتھ کاحصہ بنے جنہیں سیدضیاء اللہ شاہ بخاری نے یوتھ کے مفلر پہنائے۔
