جہلم: ایس ایل ایس کالج جہلم کے طالب علم سائم نے آئیلٹس کے امتحان میں شاندار کارکردگی کا مظاہرہ کرتے ہوئے 8 بینڈز حاصل کر لیے، جس پر ادارے اور شہر جہلم کا نام روشن ہوا ہے۔
ایس ایل ایس کالج گزشتہ 26 سال سے شعبۂ تعلیم میں نمایاں خدمات انجام دے رہا ہے۔ ادارے کو جہلم اور گردونواح میں پہلا باضابطہ آئیلٹس امتحانی مرکز قائم کرنے کا اعزاز حاصل ہے۔ یہ برٹش کونسل کا واحد گولڈ پارٹنر اور باضابطہ آئیلٹس امتحانی و تربیتی مرکز ہے جبکہ ادارہ مسلسل پانچ سال برٹش کونسل کا اعزازِ امتیاز بھی حاصل کر چکا ہے۔
ادارے کے چیف ایگزیکٹو سرفراز ملک اس خطے کے پہلے سند یافتہ آئیلٹس ٹرینر ہیں۔ ایس ایل ایس کالج برطانیہ کے شادی اور ازدواجی ویزا کے لیے انگریزی زبان کے امتحان کی تیاری کے حوالے سے بھی پاکستان بھر میں نمایاں مقام رکھتا ہے۔
ایس ایل ایس کالج کی تعلیمی خدمات پاکستان کے تمام صوبوں، سندھ، بلوچستان، خیبر پختونخوا اور گلگت بلتستان سمیت افغانستان، متحدہ عرب امارات، ملائیشیا، برطانیہ، یورپ اور کینیڈا تک پھیلی ہوئی ہیں، جہاں مختلف ممالک سے طلبہ ادارے کی آن لائن کلاسز سے مستفید ہو رہے ہیں۔
ایس ایل ایس کالج کی 26 سالہ تعلیمی جدوجہد، بین الاقوامی معیار کی تربیت اور طلبہ کی مسلسل کامیابیاں نہ صرف ادارے بلکہ شہر جہلم کے لیے بھی قابلِ فخر اعزاز ہیں۔ سائم کی جانب سے آئیلٹس میں 8 بینڈز کا حصول اسی تعلیمی سفر کی ایک اور نمایاں کامیابی ہے۔


