جہلم: ضلع جہلم سمیت ملک بھر میں موبائل سروس عارضی طور پر معطل کردی گئی۔
تفصیلات کے مطابق ملک بھر میں موبائل سروس عارضی طور پر معطل کردی گئی۔ ضلع جہلم کی چاروں تحصیلوں (جہلم، پنڈدادنخان، سوہاوہ، دینہ) میں موبائل سگنلز بند، انٹرنیٹ کی سروس بھی متاثر، تمام موبائل نیٹ ورکس، فور جی انٹرنیٹ بند کردیا گیا۔
ترجمان وزارت داخلہ کا کہنا ہے کہ ملک بھر میں موبائل سروس کو عارضی طور پر معطل کرنے کا فیصلہ کیا گیا ہے۔
وزارت داخلہ کی جانب سے جاری بیان میں کہا گیا ہے کہ ملک میں دہشت گردی کے حالیہ واقعات کے نتیجے میں قیمتی جانوں کا ضیاع ہوا ہے جب کہ امن وامان کی صورتحال کو قائم رکھنے اور ممکنہ خطرات سے نمٹنے کے لیے حفاظتی اقدامات ناگزیر ہیں۔
