جہلم: ضلع جہلم میں زیرو ویسٹ کے ٹارگٹ کو ہر صورت میں پورا کیا جائے گا، شہریوں کو صاف ستھرا ماحول دینے کے لیے پنجاب حکومت کے فلیگ شپ پروگرام کو ہر صورت کامیاب بنائیں گے۔
یہ بات ڈپٹی کمشنر جہلم میثم عباس نے پیرا غیب چوک میں راولپنڈی ویسٹ مینجمنٹ کمپنی کے اہلکاروں کی جانب سے صفائی کے عمل کا جائزہ لیتے ہوئے کہی۔ اس موقع پر میونسپل کمیٹی کے سپروائزر نے ڈپٹی کمشنر کو صفائی کے حوالے سے تفصیلات سے آگاہ کیا۔
ڈپٹی کمشنر نے میونسپل افسران کو ہدایت کی کہ شہر کی اور گلی ہر محلے سے کچرے کے ڈھیر ہر صورت اٹھائے جائیں اور نکاسی آب کا نظام بہتر بنانے کے لیے فوری اقدامات عمل میں لائے جائیں۔
انہوں نے اس موقع پر سینٹری اہلکاروں سے گفتگو کی اور ان کے مسائل معلوم کیے اور سینٹری ورکرز کو ہر قسم کی سہولت بہم پہنچانے کی ہدایت کی۔
