لندن: برطانیہ کے شہر لیورپول میں صبح ساڑھے چار بجے ایک نامعلوم شخص نے 30 شخص پر حملہ کرکے جنسی زیادتی کا نشانہ بنایا اور لُوٹ مار بھی کی۔
برطانوی پولیس کے مطابق نامعلوم حملہ آور لائم اسٹریٹ اسٹیشن کی طرف فرار ہوگیا تھا جس کی تلاش میں چھاپا مار کارروائی جاری ہے تاہم اب تک کوئی گرفتاری عمل میں نہیں لائی جاسکی ہے۔
پولیس نے ملزم کے فرار ہونے کے ممکنہ راستے کا نقشہ جاری کرتے ہوئے عوام سے اپیل کی اگر کسی نے مشتبہ ملزم کو دیکھا ہے تو پولیس کو آگاہ کرے۔ شہری اپنے سی سی ٹی وی فوٹیجز بھی چیک کریں۔
پولیس کی جانب سے جاری بیان میں کہا گیا ہے کہ برطانیہ میں کسی مرد کے ساتھ لوٹ مار کے دوران جنسی زیادتی کا ایسا واقعہ دہائی بعد سامنے آیا ہے۔ یہ واقعہ سینٹ جان گارڈن میں پیش آیا جہاں مکینوں کو چوکنا رہنے کی ہدایت کردی گئی ہے۔
