سوہاوہ: ڈپٹی کمشنر جہلم کیپٹن(ر) سمیع اللہ فاروق کا گورنمنٹ گرلز ہائی سکول سوہاوہ کا دورہ، طالبات کی نصابی سرگرمیوں کا جائزہ لیا اور سکول اساتذہ سے آگاہی حاصل کی۔
تفصیلات کے مطابق ڈپٹی کمشنر جہلم کیپٹن (ر) سمیع اللہ فاروق گورنمنٹ گرلز ہائی سکول سوہاوہ پہنچے، جہاں انہوں نے مختلف کلاسوں کا دورہ کیا اور اساتذہ کی جانب سے طالبات کو تعلیم دینے کے عمل کا مشاہدہ کیا۔
ڈپٹی کمشنر نے سکول میں پینے کے صاف پانی، صاف ستھرے واش روم، بہترین صفائی سمیت تمام بنیادی سہولیات کو یقینی بنانے کے لیے موقع پر موجود اسسٹنٹ کمشنر سوہاوہ، پرنسپل سکول اور دیگر اساتذہ کو ہدایات جاری کیں۔
