جہلم: ڈسٹرکٹ پاپولیشن ویلفیئر آفس جہلم کے زیر اہتمام 11 جولائی عالمی یوم آبادی کے حوالہ سے (8 جولائی تا 13 جولائی 2024) ضلع جہلم میں ہفتہ آبادی کی تقریبات کا آغاز کردیا گیا ہے۔
امسال ان تقریبات کا موضوع غیر جانبدار اور جامع اعدادوشمار کا مستحکم اور مساویانہ مستقبل میں کردار ہے۔
ہفتہ آبادی کے سلسلہ میں تحصیل وضلع جہلم کی سطح پر آگاہی واک، سیمینار، صحت اور خاندانی منصوبہ بندی کے کیمپس، فیملی میلہ اور کمیونٹی کی سطح پر سیشن کے انعقاد، کیبل ٹی وی، ریڈیو اور سوشل میڈیا کے ذریعے عوام الناس تک تیزی سے بڑھتی ہوئی آبادی اور اس کے اثرات بارے آگاہی، مساجد میں جمعہ کے اجتماع کے دوران ماں بچے کی صحت کے حوالہ سے اسلامی تعلیمات دی جائے گی۔
عالمی ہفتہ آبادی کے تحت خصوصی فیملی پلاننگ سٹالز، تمام فیملی ہیلتھ کلینکس اور فلاحی مراکز پر فیملی پلاننگ انفارمیشن بوتھ قائم کئے جائیں گے جبکہ محکمہ بہبود آبادی کے پیغامات کی عوام الناس تک رسائی کے لئے ضلع کے اہم مقامات اور شاہراہوں پر سٹیمرز، بینرز آویزاں کیے جائیں گے۔
