کھیوڑہ شہرمیں پی ٹی آئی کے حمایت یافتہ امیدوار ایم این اے61کرنل (ر) شوکت مرزا1294اور امیدوار ایم پی اے حلقہ پی پی26 بریگیڈئیر (ر) مشتاق احمد للِہ نے 1700ووٹوں کی لیڈسے الیکشن میں کامیابی حاصل کی۔ کھیوڑہ شہر کے نوجوانوں نے سرمایہ داروں اور سفید پوشو ں کی سیاست کا خاتمہ کر دیا، لوگوں نے پرچیاں ن لیگ اور پیپلز پارٹی کے کیمپ سے بنوائیں اور اندر ووٹ پی ٹی آئی کے حمایت یافتہ امیدواروں کو دے کر بھاری لیڈ سے جتوایا۔
تفصیلات کے مطابق جنرل الیکشن 2024میں حلقہ این اے61پی ٹی آئی کے حمایت یافتہ امیدوار کرنل (ر) شوکت مرزا نے 5196 ووٹ امیدوار ایم پی اے حلقہ پی پی 26 بریگیڈئیر (ر) مشتاق احمد للِہ نے 5706 ووٹ حاصل کیے اور ان کے مدمقابل مسلم لیگ ن کے امیدوار ایم این اے چوہدری فرخ الطاف نے3902ووٹ اور حلقہ پی پی26کے امیدوار حاجی ناصر للِہ نے4006ووٹ حاصل کیے۔
سابقہ ضمنی الیکشن میں حاجی ناصر للِہ نے کھیوڑہ شہرمیں 500ووٹوں کی لیڈ سے الیکشن جیتا تھا مگر اب اسی شہر میں1700ووٹوں سے شکست کا سامنا کرنا پڑا۔ن لیگی رہنماؤں نے اپنے امیدواروں کو الیکشن جیتوانے کے لیے بڑے بڑے دعوے کیے اور تسلیاں دے رکھی تھیں جس پر شہریوں نے پانی پھیر دیا اور آئندہ سیاسی امیدوار سرمایہ داروں سفید پوشوں کے جھانسے میں آ نے کے بجائے ڈائریکٹ عوام سے رابطہ کریں گے۔
ملک بھر کی طرح کھیوڑہ شہر میں بھی پی ٹی آئی کے جلسے جلسوں اور ریلیوں پر پابندیاں تھی مگر عوام نے ن لیگی امیدواروں کا بائیکاٹ کرکے پی ٹی آئی کے حمایت یافتہ امیدواروں کو بھاری اکثریت میں کھیوڑہ شہر سے کامیاب کر کے اپنے قائدین کے دل جیت لیے۔
کھیوڑہ شہر میں ن لیگی نمائندوں نے شہر بھرمیں بھرپور جلسے اور کارنر میٹنگز کر کے پارٹی امیدواروں کو بھرپور یقین دلایا اور الیکشن میں بھاری اکثریت سے جتوانے کے لیے بڑے بڑے دعوے کیے گئے اور تسلیاں دی گئیں مگر افسوس کہ عوام نے پی ٹی آئی کے حمایت یافتہ امیدواروں کو کھیوڑہ شہر سے الیکشن جتوا کر تسلیاں دینے والے رہنماؤں کے امیدوں پر پانی پھیر دیا۔
