جہلم: ایس ایل ایس کالج کی جانب سے پاکستان کے یومِ آزادی کے موقع پر ایک شاندار اور رنگا رنگ تقریب کا انعقاد کیا گیا، جس میں طلبہ نے ملی نغمے، ولولہ انگیز تقاریر اور وطن سے محبت کے اظہار پر مبنی پروگرام پیش کیے۔
تقریب کے دوران "پاکستان زندہ باد” کے فلک شگاف نعروں سے فضا گونج اُٹھی۔
تقریب میں شریک طلبہ نے مختلف ملی نغمے اور تقاریر کے ذریعے پاکستان کے قیام، قربانیوں اور اتحاد کی اہمیت کو اجاگر کیا۔ پروگرام میں حاضرین نے بھی جوش و خروش سے شریک ہو کر حب الوطنی کے جذبے کا اظہار کیا۔
ایس ایل ایس کے مینیجنگ ڈائریکٹر سرفراز ملک نے اپنے پیغام میں کہا کہ "یومِ آزادی ہمیں اتحاد، قربانی اور خدمتِ وطن کے عہد کی تجدید کا موقع فراہم کرتا ہے۔ ہمیں اپنے کردار سے پاکستان کو امن، خوشحالی اور ترقی کی راہ پر گامزن کرنا ہوگا۔”
