اسٹیٹ بینک نے 75 روپے کے نیلے اور سبز رنگ کے نوٹ سے متعلق وضاحت کردی۔ مرکزی بینک نے بذریعہ ایکس پیغام میں وضاحت جاری کی۔
اسٹیٹ بینک نے واضح کیا ہے کہ 75 روپے کے نیلے اور سبز رنگ کے بینک نوٹ قانونی ہیں۔
مرکزی بینک نے ایکس پیغام میں وضاحت کرتے ہوئے مزید لکھا کہ پاکستان بھر میں تمام لین دین کیلئے 75 روپے کے نیلے اور سبز رنگ کے نوٹ استعمال کیے جاسکتے ہیں۔
وضاحتی نوٹ میں مزید کہا گیا کہ اسٹیٹ بینک آف پاکستان کی جانب سے جاری کردہ یادگاری نوٹ سمیت تمام بینک نوٹ پاکستان میں تمام لین دین میں استعمال کیے جاسکتے ہیں۔
#SBP clarifies that both blue and green color banknotes of Rs.75 are legal tender & can be used as medium of exchange in all transactions across Pakistan.https://t.co/ZDwC3GzqvG#SBPClarification pic.twitter.com/EdQxA3Zlhf
— SBP (@StateBank_Pak) October 16, 2023
یاد رہے کہ 75 روپے کا سبز رنگ کا بینک نوٹ پاکستان کی آزادی کے 75 سال مکمل ہونے کی یاد میں 14 اگست 2022 کو جاری کیا گیا۔ جبکہ 75 روپے کا نیلے رنگ کا بینک نوٹ اسٹیٹ بینک کے قیام کے 75 سال مکمل ہونے پر 04 جولائی 2023 کو جاری کیا گیا۔
