جہلم پولیس نے کمسن بچوں کے تحفظ اور جرائم پیشہ عناصر کے خلاف کارروائی کرتے ہوئے 12 سالہ بچے کو جنسی زیادتی کا نشانہ بنانے کی کوشش کرنے والے ملزم کو گرفتار کر لیا ہے۔
ترجمان جہلم پولیس کے مطابق پولیس نے واقعے میں ملوث ملزم کو گرفتار کرکے اس کے خلاف مقدمہ درج کر لیا ہے، جبکہ قانونی کارروائی کا آغاز کرتے ہوئے مزید تفتیش جاری ہے۔
اس حوالے سے ڈی پی او جہلم شفیق احمد چوہدری نے کہا کہ بچوں کا تحفظ جہلم پولیس کی اولین ترجیحات میں شامل ہے۔ بچوں کے خلاف جرائم میں ملوث عناصر کسی رعایت کے مستحق نہیں۔ ایسے ملزمان کو قانون کے کٹہرے میں لا کر قرار واقعی سزا دلوانے کے لیے تمام قانونی تقاضے پورے کیے جائیں گے۔


