آئیسکو نے ضلع جہلم میں بجلی کی عارضی بندش کا دو روزہ شیڈول جاری کر دیا

جہلم: اسلام آباد الیکٹرک سپلائی کمپنی (آئیسکو)نےضروری مرمت اور معمول کے ترقیاتی کاموں کی وجہ سے ہفتہ اور اتوار کو دو روزہ عارضی بجلی بندش کا شیڈول جاری کر دیاہے۔

آئیسکو ترجمان کے جمعہ کو جاری بیان کے مطابق جہلم سرکل کے مختلف علاقوں کو بجلی سپلائی کر نے والے فیڈرز پر درج ذیل شیڈول کے مطابق بجلی کی سپلائی عارضی طور پر معطل رہے گی۔

آئیسکو کے مطابق صبح 9 بجے سے شام 4 بجے تک جہلم سرکل، اجمل شہید، ثناء اللہ شہید، سی ایم ایچ جہلم، شکریلہ، کھوہار، F-6مشین محلہ، F-9چک دولت، بوہڑیاں، F-2چپ بورڈ، انڈسٹریل، F-10کالا بیس، پکھوال، جاکر، سی او ڈی کالا، ہیملٹ، گڈاری، بھگوال، چک یم، نیو سنگھوئی، کرنل محمد اکرم، وارڈ نمبر 8، کوٹ دھمیک، مل اعوان، ٹھاکرہ، سموٹ فیڈرز ا ور گردونواح میں بجلی بند رہے گی۔

ترجمان نے کہا کہ آئیسکو انتظامیہ اپنے صارفین سے بجلی کی بندش پر معذرت خواہ ہے، وقت سے قبل کام مکمل ہونے کی صورت میں بجلی کی سپلائی مقررہ شیڈول سے پہلے بھی بحال کی جاسکتی ہے اورگردونواح کی بجلی بند رہے گی۔