جہلم: خشک سردی کی لہر کے باعث ٹھنڈ میں غیر معمولی اضافہ ہو گیا، ٹھنڈی ہوائیں چلنے اور موسم سرد ہونے کی وجہ سے شہری گرما گرم کھانوں سے لطف اندوز ہونے لگے، جہاں مچھلی، مرغی، پکوڑوں، سموسوں، یخنی، کارن سوپ، سبزی ، چکن رول، فرائی شدہ چٹ پٹی گرما گرم اشیاء کھاتے نظرآتے ہیں۔
موجودہ سردی کی لہر نے شہریوں کو مشکلات میں جکڑ رکھا ہے اورشہری بارش کیلئے دعا ئیں کرتے نظرآتے ہیں، سردی میں اضافہ ہو گیا تو شہریوں نے گرما گرم کھانے کھانے کیلئے بازاروں اور فوڈ سٹریٹ کا رخ کررہے ہیں جہاں پر مزیدار اور اپنی من پسند کے کھانے کھائے جارہے ہیں مچھلی، مرغی، سموسوں کی دکانوں پر رش لگا نظرآتا ہے۔
بازاروں میں فرائی مچھلی مختلف اقسام کی 800 روپے سے 1500 روپے فی کلو فروخت ہو رہی ہے جبکہ سنگھاڑہ ، روہو،ملی مچھلی کی قیمت بھی 2000 روپے سے 2200 روپے تک ہے، توے اور گرل پر فرائی مچھلی بھی شہری شوق سے کھاتے دکھائی دیتے ہیں۔
چکن فرائی کی قیمت بھی 800 روپے سے 1200 روپے تک وصول کی جارہی ہے، دیسی مرغ کی یخنی کا ڈسپوزل کپ 120 روپے سے 150 روپے اور دیسی انڈہ 40 روپے سے50 روپے میں فروخت ہو رہا ہے۔
