جہلم: گورنر پنجاب بلیغ الرحمٰن نے پنجاب کے متعدد اضلاع کو لاہور ہائیکورٹ کے قریب ترین بنچوں سے منسلک کرنے کی منظوری دے دی۔
اس پر لاہور ہائیکورٹ کے چیف جسٹس محمد امیر بھٹی نے مذکورہ اضلاع کو قریبی بنچوں سے منسلک کرنے کا نوٹیفکیشن جاری کر دیا۔
اس امر کا فیصلہ عوامی سہولت اور سائلین کو انکی دہلیز پر انصاف کی فراہمی کے ویژن کے تحت کیا گیا ہے۔ ضلع گجرات کی تحصیل سرائے عالمگیر ، ضلع میانوالی کو ہائیکورٹ راولپنڈی بنچ سے منسلک کر دیا گیا ہے۔
اسی طرح ضلع بھکر کو لاہور ہائیکورٹ، ملتان بنچ اور ضلع لودھراں کو ہائیکورٹ بہاولپور بنچ کے ساتھ منسلک کر دیا گیا ہے۔
