جہلم: ڈپٹی کمشنر جہلم کیپٹن (ر) سمیع اللہ فاروق کا شہر کا تفصیلی دورہ، زیر تکمیل پراجیکٹس کا جائزہ لیا۔
تفصیلات کے مطابق ڈی سی جہلم کیپٹن (ر) سمیع اللہ فاروق نے شہر میں جاری مختلف تعمیراتی کاموں کا جائزہ لینے کے لیے تفصیلی دورہ کیا۔
انہوں نے بلال ٹاؤن روڈ پر گرین بیلٹ کا جائزہ لیتے ہوئے گرین بیلٹ کا کام جلد مکمل کرنے کی ہدایت کی جس کے بعد میونسپل کمیٹی حکام کے ساتھ مرکزی قبرستان کی جگہ کا دورہ کیا میونسپل کمیٹی حکام کو چار دیواری جلد مکمل کرنے اور نئی مختص جگہ پر بھرتی اور لیول کرنے کی ہدایت کی۔
ڈپٹی کمشنر نے اولڈ جی ٹی روڈ کا معائنہ کرتے ہوئے روڈ کنارے گرین بیلٹ اور انتظار گاہ پر کام کی رفتار دیکھی، انہوں نے گرین بیلٹ پراجیکٹ کی سست روی پر اظہار برہمی کیا اور ہائی وے افسران کو کام کی سپیڈ تیز کرکے دس دن میں مکمل کرنے کا حکم دیا۔
ڈپٹی کمشنر نے کہا کہ عوامی مفاد کے کاموں میں کوئی غفلت یا لاپروائی برداشت نہیں کی جائے گی۔
